يا خدين الخفوق آمر فداك العمر
أنت يفداك والله كلّ شيٍ نفيس
اطلب اللي تريده وانت تامر أمر
كيف لا.. وانت يا سيّد هواي النسيس
انت لو تطلب الشمس وْزحل والقمر
مهر لك جبتهن من شان اكون العريس
كلّ ما لاح لي طيفك دمرني دمر
وْكلّ ما ابحر بعالَم حبك امشي وأقيس
درب حبٍ فرشته بالورود الحمر
بابه يودّي لسجنٍ ربا به حبيس
لك ورودٍ حمر من فوق ثلج وْجمر
وْلك عيونٍ نضرت بْها وصار الرسيس
يا حكايات شهرزاد وقت السمر
يالفكر يالقصايد يالقصص يالأنيس
يامؤلّف بتاليف الحكايا استمر
يا غرامٍ توافق بين ليلى وقيس
والله اني مبي غيرك شريك العمر
طالما انت الخدين اللي تردّ النسيس
- الشاعر: عبدالله عوجان
