كرامة

يا قلب ذبح الغلا لاجل الكرامه حَلال

خايف يجيك الظما.. بعض الظما سلسبيل

شَرّق إلى غَرّبوا وان اجنبوا خذ شمال

وان ضايقوك بجهات اربع سماك البديل

- ناصر السبيعي

* * *

غيرة

إن حكت غار السكوت من الحكي

وإن بكت يحسد مدامعها السرور

كنّها والشمس خصم ومشتكي

وبين ذيك وذيك عذّبت السطور

- طلال الرشيد - رحمه الله

* * *

عيد

في كل عيدٍ يابعد روحي عساي

افرح معك واجي عليك أعايدك

واقول لك مايحتويه اجمل مساي

ان لك غلا مااحدٍ عليه يزايدك

- فتاة نجد

* * *

عشق

لايحسب إنّي بابيعه يوم يعقد لي حجاجه

كل هذي ماتغيّر شيء في حسبة رفيقه

ليته يرتّب حساباته ويسمع كل حاجه

من بَعَدها يعرف ان النفس في عشقه غريقه

** **

- حسين بن فهد القحطاني