كنت أسأل الظلما عن ابوي وينه

وكان السراج بنور الاحلام مطفي

وكنت اصغر ايتام القرى والمدينه

وكنت اتعلثم لا هزع هم كتفي

وما كان لامي غير اصابع يدينه

كانت تخيط الجرح والصوت مخفي

تقول (هادي) عزها عن غبينه

واسمع تعال وسو واقول يكفي

مهو لها للصبر طالت سنينه

اقفل عليّ بابي يقولون مجفي

ويدخل عليّ من رحمة الله سكينه

وتبلل دموعي ورقتي وعطفي

أخفيه خوف يبين دمعي لعينه

طفل بخشونة سيرتي مات لطفي

حتى شهاداتي لظرفي رهينه

اليتم نصف الموت قتال شفي

كنت اسمع بنظراتها الله يعينه

واحسها ناسي و كتبي وصفي

وافخر اذا قالت لي اني (جنينه)

منها تعلم وصلي اسباب عطفي

هي والدين اللي فقد والدينه

هذي هي امي يكفي القول يكفي

** **

- هادي الجنفاوي