ماجور اللِّي من فراقك تعلّمت

ان الزمن يومين طيّب وخيّب

فاجأتني بمفارقك ما تولّمت

كذا بدون أسباب عنّي تغيّب؟

ما متّ من فرقاك لكن تألّمت

شيّبت بي يا صاحبي قبل اشيّب

أضحك وأسولف وان لحقني سهر نمت

لكن قسم بالله ماني بطيّب

ولولا السحا من عاذلي ما تلعثمت

طاولته اللِّي في يدي من قريّب

أكافح أهل الشمت بالسمت والصمت

ومن شوفتك صدفه قعدت اتهيّب

أخاف أشوفك واكسر الصمت والسمت

وادعيك تو الناس وانا مغيّب

شفتك بتهزمني.. بصدّك وسلّمت

وذلّ المحبه ذلّ ما هو يعيّب

تدري من المخطي ولو ما تكلّمت

ياللّي لظنِّي ظنّتي ما تخيّب

** **

- محمد بن فطيس المري