مل السهر من طول ليلي ومليت
من دمعي اللي ماحشم مقلتيني
خذيت مني ياترى ويش خليت
غير القصيد اللي ضمرت ابكنيني
سرحت في دربك ولا عاد ضويت
وابطيت بالهجران تطوي سنيني
امد لك كف الوصل وانت عييت
وتروح ماقدرت مدة يميني
حتى عن مواصل خيالي تواريت
وانا بقايا انسان بينك وبيني
اخطيت في حقي او انك تماديت
عجزت اميز شرهتي من حنيني
ضحيت في روحي عشانك وضحيت
في قلبي اللي سلمت لك يميني
في دربك العاثر غديت وتراميت
باطرافه اللي رافضه تهتديني
واليوم الملم جرحي اللي تفاديت
في دفتري عل الورق يحتويني
مريت في رحلة حياتي وعديت
عسى على فرقاك ربي يعيني
هذي سوات الوقت لو كان سويت
يمكن خطيت بحق شخص» يبيني
كفيت ياليل التباريح واوفيت
مل السهر من صحبة دروب عيني
الشاعر - أحمد سبيتان
