الموضوعات الأكثر
يوم تأسس فيه صرح عرفناه
شامخ شموخ المجد يا عارفينه
نعتز فيه ونفتخر به وذكـراه
رمز على مر الزمن حافظينه
محمد بن سعود أسس لـمبناه
كتبت مبادي دولته تحت عينه
على الكـتاب وكلمه الحق مبداه
اللي على نهج السلف مبتنينه
هذا هو التـأسيس والحمد الله
ومن حولها عدواننا كارهينه
واللي نوى به قــاسي الراس سواه
يا کثر عدوانه وربه عوينه
بأمارة الدرعيه الدين علاه
ومن ضايقوه اهل الفتن جاء زبينه
من بعده ال سعود يمشون ممشاه
حكم بشرع الله متوارثينه
تركي بالاجرب يوم حطه بيمناه
استسلمت من قوباسة مدينه
وجاء دور من بشرى السعد صبح مسراه
تباشرت به کل عين حزينه
في غربته الناس ترسل وتنخاه
فيك الامل يالفيصلي عاقدينه
جهز رجاجيله وجهز مطاياه
وقاد السرايا في الوعر والدفنيه
وحد بلاده عقب ما طوع اعداه
قاده دول من حنكته هايبينه
ساد الامن والخير والعز عشناه
نعمه وطن خيرة شمل ساكنينه
عسى معزي جنه الخلد ملفاه
الله يغفر ذنبه ووالدينه
واليوم في عهد كثيرة مزاياه
عهد الملك سلمان تبطي سنينه
كم مره في لازم صعب جيناه
وتسهلت في حال وجه بحينه
فيه الكرم والدين والطيب والجاه
وفيه الشجاعه والظفر خابرينه
شوره ورايه وقت الازمات منجاه
يقلب فكر اهل العقول الفطينه
ولي عهد المملكه لا عدمناه
محمد الي ماتهز هز يدينه
يرسي كما ترسي الجبال المسماه
مخلوق في قلبه من طويق عينه
لولا كذا ما هابت وخافت أعداه
وعلى كذا عدواننا حاسدينه
معرب الرؤيه بتوفيق مولاه
فكر وخطط والمكاسب ثمينه
تطوير في كل المجالات شفناه
شاهدت وانتم مثلي مشاهدينه
خذا من معزي خصاله وحلياه
وسياسته وامور عدله ودينه
**
- مطلق بن فالح أبوجراح أبوثنين