أول زعل عينك يسهر عيوني

واليوم لو تزعل مثل نازح الناس

والله ما يمكن تحرك شجوني

ما عاد لك في خاطري ذاك الاحساس

رح في سبيلك لا تزود جنوني

يكفي جرعت المر كاس باثر كاس

ياما بكيت وعذبتني ظنوني

ياما الرجا عندي تساوى مع الياس

لقيت في بعدك زمان حنوني

وسحابة خضراء تهامل بنسناس

أحمد عزيز حال دونك ودوني

أعطاني أنسى كل هم وهوجاس

حاولت عنك أسمح ولكن غبوني

عيت على نفسي تشيلك على الراس

نصيحتي لك بالغزال الفتوني

قصر تبي مبناه خله على ساس

احلم عليك وتجتهد في طعوني

اعطيك تقديري وتجزي بالاتعاس

غلطان لو ظنيت نفسي تهوني

عندي كرامه ما لها حد وقياس

** **

- سعد الخريجي