عشرين عامٍ كنها بضعت أيام
ذكرى عظيمة بالوطن من غلاها
يا ملوكنا يا شيوخنا العز قدام
وأمجادكم كلا بقبله قراها
حنا بخير والوطن كله انعام
عم المدينة والهجر مع قراها
حكامنا تمشي على نهج الاسلام
وأرواحنا في كل حال فداها
ما همنا هرج المعادي والاخصام
عين نداويها وعينٍ عماها
هذا فهد للمملكة درع وحزام
وفهد العرب من كل شر حماها
قد سجل التاريخ بحروف وأرقام
مبدأ وموقف للفهد ما نساها
يالله عسى الأفراح عامٍ بثر عام
في ظل حكام تشيّد بناها
