دار السعود ديارنا دار الأبطال
هي منبع الدعوة ومهد الرسالات
تاريخها معروف في كل الأجيال
ويشهد لها منذ عصور قديمات
في ظل أبوفيصل تحقق لنا آمال
خادم حرم ربي زعيم المهمات
عشرين عام وكلها زينة الحال
والشعب في عهده بامان وخيرات
ياكثر ما يعطي وينجز من أعمال
سنين الرخا والخير ما فيه شدات
والمملكة صارت تباهي وتختال
بنهضة حضارية وجيش وقوات
ودولة سعودية ولو قال من قال
دستورها القرآن في كل الأوقات
وقايد مسيرتنا فهد ماله أمثال
رجل السياسة له فعول حميدات
وياالله ياللي تبدل الحال بأحوال
تحفظ فهدنا من جميع المصيبات
وصلاة ربي عد ما وادي سال
على النبي المختار راع الشفاعات
