يوم تأسيس الوطن فخر السعودي
صبحنا اللّي شاع بالمجد وظهوره
محمد بن سعود للسيره يقودي
مأسس الحكم السعودي بان نوره
وتركي وفيصل على دربه يسودي
عادو المجد التليد حماة سوره
وسادها معزّي عسى يومه يعودي
بالسعد والخير للشعب وسروره
حاكمٍ بالشرع في شعبه يجودي
لين دانت بالولاء صوتٍ وصوره
ورّث عيالٍ على دربه تزودي
والعداله والكرم باخوان نوره
والرخاء عم الوطن ماله حدودي
عهد سلمان الوطن عزّه ودوره
درعنا دون الوطن حزم وصمودي
سيفه الساطي محمد فالمشوره
غيث جيران الوطن مرْو الكبودي
وقفته بالجود فالناس امخبوره
عضده محمد وزيزوم الجنودي
مقدم الهيجا على العدوان جوره
في طموحه في بعيدات الجهودي
يسبق العدوان في خطوة مروره
والدول تاقف حسيره بالقيودي
كل من هام الوطن ركّع غروره
** **
- الشاعر/ حشر بن عبدالمحسن بن حميد