الموضوعات الأكثر
البطل من شرق حث الركايب
لين نوّخ فالرياض ودعاها
وانتهض للقصر عطب الضرايب
يستعيد أمجاد جدِّ بناها
بأربعين أبطال وقت الحرايب
مع زعيمٍ للمعالي نخاها
ناحرين القصر والحظ طايب
سربةٍ فالقصر حثّة خْطاها
واعتلى عبدالعزيز الصعايب
واعلنت له بالولاء وامتطاها
وصوّت منادي بجيّات غايب
عاد بن فيصل وداره ولاها
وعمّت الفرحه شعوب وقرايب
وقاد توحيد البلاد وغزاها
بالرجال مورّدة كل هايب
بالسيوف الحدب ساقت عْداها
والعطا جاها من الله وهايب
مع زعيمٍ في يمينه ذراها
قادها للعز والراي صايب
لين فاقت فالدول مستواها
وامطرت بالعز غر السحايب
وارتوت بالخير من فيض ماها
وذعذعت بالنصر نود الهبايب
واكتست بالعز والله حماها
**
- حشر بن عبدالمحسن بن حميد