الموضوعات الأكثر
«الجزيرة» - عبدالعزيز بن سعود المتعب:
لاح يوم الوطن والعز لاح
وكلمة الله على البيرق تلوح
- الشاعر الأمير خالد الفيصل
من بان عبدالعزيز وصبحنا باني
ماعاد نقبل ظلام الليل لو ساعه
- الشاعر الأمير بدر بن عبدالمحسن
إنه يوم العز والمجد التليد، اليوم الوطني، رمز وحدة الوطن على يد المؤسس الملك عبد العزيز بن عبدالرحمن -طيّب الله ثراه- والشعر الشعبي الوطني الجزل مُوثِّق الوفاء والولاء واللحمة الوطنية المُشَرِّفة:
يقول الشاعر الأمير عبدالله الفيصل -رحمه الله- مختزلاً توجّه نهج مؤسس الوطن منذ عهد التأسيس:
حلّلت يامضحك وجيه المفاليح
ومبكي الضديد اللِّي من الزود عايل
داويت بالحسنى جسومٍ مجاريح
وبالجود صفّيت القلوب الغلايل
ويقول الشاعر الأمير خالد الفيصل:
لاح يوم الوطن والعز لاح
وكلمة الله على البيرق تلوح
ويقول الشاعر الأمير بدر بن عبدالمحسن:
من بان عبدالعزيز وصبحنا باني
ماعاد نقبل ظلام الليل لو ساعه
ويقول الشاعر علي بن نايف الغامدي:
كل عام بمثل هذا اليوم نسعد ونتمنّى
ونرفع أصوات المحبة والولاء في كل ديره
يوم ذكرى خالده ترقى وتبقى في زمنّا
واستنارت في كيانٍ وحّده صقر الجزيره
حكّم الشرع القويم وعزّز الأمن وومنّا
وسمعت آذان الأصم وشافت العين الضريره
ويقول الشاعر سلطان بن بتلاء:
صرنا وطن واحد وربع وحلف
لا.. درب للتفريق والتخريب
عمر التقدّم ما رجع للخلف
والذنب ما صار أهون من العيب
قبايلٍ جت من زمانٍ صلف
تدوّر التوحيد والترتيب
مابينهم كانت «مزارق شلف»
واليوم يجمعهم «مزارق طيب»
ويقول الشاعر عبدالله السلوم - رحمه الله:
اليوم هو يوم الوطن يوم الأفراح
يومٍ تجلّى فيه معنى السعاده
يومٍ غلاه مداخلٍ كل الأرواح
في كل عام يزيد حبه زياده
له قصةٍ توّج هدفها بالأمداح
متلاحمٍ فيه الوطن والقياده
ويقول الشاعر عبدالله بن عبيان اليامي:
بطولات وملاحم ما يشوّهها غراب البين
وهو صوته نعيق وعن بلدنا تقصر حباله
وحنّا في مدارات الوفاء نبقى سعوديين
على وضح النقى ما نختلف لو كبرت القاله
ويقول الشاعر عبدالله بن حديجان:
عمار يا هامة العزّه يا صعبة منال
يا دولةٍ فوق هام السحب راياتها
يا راية العز زيدي فالبهاء والجمال
قلوب الأحباب زادت معك خفقاتها
مبروك عيد الوطن يا راية الاحتفال
شعبٍ يمد الولاء لأرضه وساداتها
ويقول الشاعر سهل بن بندر المقاطي:
مرحوم ياللّي في طريق العلا سار
أسّس قواعد دولته بالأيادي
عبدالعزيز اللِّي بنى للفخر كار
خطّط ونفّذ ما اهتنا بالرقادي
عشرين عام يجاهد يمين ويسار
حتى استتب الأمن والخير زادي
يقضي على روس الأعادي والأشرار
فوق الذلول وفوق صهو الجوادي